काठमाडौं, १६ असार । बंगलादेशमा तय भएको १३ औं संस्करणको साफ च्याम्पियनसिप फुटबल एक वर्ष पछि सरेको छ । सोमबार बसेका दक्षिण एसियाली फुटबल महासंघ साफकोे बैठकले कोरोना भाइरसको महामारीको कारण साफ च्याम्पियनसिप एक वर्ष सार्ने निर्णय गरेको हो ।
अब प्रतियोगिता सन् २०२१ मा हुनेछ । यस अघि १३ औं संस्करणको साफ च्याम्पियनसिप सेप्टेम्बरमा हुने तय थियो । सन् २०१८ को १२ औं साफ आयोजना गर्ने जिम्मेवारी पाएको बंगलादेशले लगातार दोस्रो पटकआयोजनाको जिम्मा पाएको थियो ।
उक्त संस्करणमा भारतलाई २–१ ले हराउँदै माल्दिभ्सले उपाधि जितेको थियो । नेपाल भने सेमिफाइनलसम्म पुगेको थियो ।
यस्तै महिला र पुरुषको साफ यू–१५ च्याम्पियनसिप र साफ यू–१८ वुमन्स च्याम्पियनसिप भने सेप्टम्बरको बैठकले तय गर्ने निर्णय गरेको छ ।
