कास्की, १६ मंसिर । प्रतिनिधिसभा सदस्यका लागि शनिबार सम्पन्न उपनिर्वाचनमा कास्की निर्वाचन क्षेत्र २ मा नेकपा उम्मेदवार विद्या भट्टराई विजयी हुनुभएको छ । भट्टराई ८ हजार ४ सय ९ मतान्तरले विजयी हुनु भएको हो ।
उहाँले २४ हजार ३९५ मत ल्याएकी छन् भने कांग्रेस उमेदवार पौडेलले १५ हजार ९८६ मत ल्याउनुभएको छ । मतपरिणाम सँगै पराजित कांग्रेस उमेदवार पौडेलले मतदातालाई धन्यवाद दिनुका साथै विद्यालाई खादा लगाएर बधाई तथा आगामी कार्यकालको शुभकामनासमेत व्यक्त गर्नुभएको थियो ।
विजयी उमेदवार भट्टराईले मतदातालाई धन्यवाद दिँदै पर्यटन र पूर्वाधार विकाससँगै पोखराको विकासलाई अगाडि बढाउने प्रतिबद्धता व्यक्त गर्नुभएको थियो । कास्की २ मा ६३.४० प्रतिशत अर्थात ४५ हजार ५६३ मत खसेको थियो ।
