काठमाडौं, २० फागुन । भक्तपुरमा आइतवार राती आगलागी भएको छ ।
मध्यपुरथिमी नगरपालिका वडा नम्बर ३ कौशलटारको डाँफेटोलमा स्थानीय राजु श्रेष्ठले सञ्चालन गरेको श्रेष्ठ फर्निचर उद्योगमा आइतवार राति सवा ११ बजेतिर लागेको आगो घण्टौं पछि सोमवार विहानमात्र नियन्त्रणमा आएको हो ।
आगलागीबाट उद्योग पूर्णरुपमा जलेर नष्ट भएको छ । उद्योगसँगै राजु श्रेष्ठको चार तले पक्की घरको पछाडिपट्टी पनि आंशिक क्षति पुगेको छ । आगलागीवाट मानवीय क्षति नभए पनि लाखौं मूल्य बराबरको क्षति भएको प्रहरीको अनुमान छ । आइतबार लागेको आगो सोमबार बिहान मात्रै नियन्त्रणमा आएको थियो । आगलागीको कारण खुलेको छैन । प्रहरीले यसबारे अनुसन्धान भइरहेको जनाएको छ ।
