रुकुम पश्चिम, ३२ असार । रुकुम पश्चिमको बाँफीकोट गाउँपालिकाको नाम परिवर्तन भएको छ । बाँफीकोटलाई स्यार्पु गाउँपालिका बनाइने भएको छ ।
गाउँपालिकाको वर्षे अधिवेशनको दोस्रो गाउँसभाले बाँफीकोट गाउँपालिकाको नाम स्यार्पु गाउँपालिका बनाउने निर्णय गरेको गाउँपालिका अध्यक्ष धर्मबहादुर केसीले बताए ।
यसअघिको गाउँसभाले बाँफिकोटको नाम सहिद स्यार्पु गाउँपालिका बनाउने निर्णय गरेको थियो । तर, उक्त नामको स्थानीय स्तरबाट विरोध भएको थियो । स्यार्पु ताल रुकुमको प्रसिद्ध पर्यटकीय स्थल भएकाले सो नाम राखिएको हो ।
