काठमाडौं, ११ माघ । सरकारले ६५ बर्ष उमेर पुगेकालाई सामाजिक सुरक्षाबापत ज्येष्ठ नागरिक भत्ता दिने निर्णय गरेको छ ।मन्त्रिपरिषदको बुधबारको बैठकले ७० बर्षको उमेरहद घटाएर ६५ बर्षमा झार्दै यो निर्णय गरेको हो ।
एमालेका तत्कालीन अध्यक्ष मनमोहन अधिकारी नेतृत्वको सरकारले २०५१ सालमा ज्येष्ठ नागरिकलाई सामाजिक सुरक्षा भत्ता दिने परम्परा बसालेको थियो । त्यसपछिका सरकारले भत्ता रकम बढाउने र उमेर घटाउने क्रमलाई निरन्तर दिँदै आएका छन् ।त्यस्तै बैठकले सरकारले भुकम्प तथा बाढीपीडितलाई दिँदै आएको अनुदान रकम बढाउने निर्णय पनि गरेको छ ।, आजको नागरिक दैनिकमा यो खबर छ ।
