काठमाडौं । कुनै समय सभापति शेरबहादुर देउवाको विश्वास पात्र मानिने नेपाली कांग्रेस बागमती प्रदेश सभापति इन्द्र बानियाँ आज बहादुर लामासँग चुनावी प्रतिस्पर्धामा छन् ।
आज कांग्रेस बाग्मती प्रदेशले संसदीय दलको नेता चयन गर्दैछ । दलको नेता छान्न २ बजेबाट मतदान हुँदैछ ।
लामाले देउवा गुटको समर्थन पाएका छन् । लामालाई जिताउन देउवानिकट नेताहरु महालक्ष्मी उपाध्याय, डा.प्रकाशशरण महत, मोहनबहादुर बस्नेत, मोहन आचार्यलगायत हेटौडां पुगेको स्रोतले जनाएको छ ।
उनीहरु हेटौंडाको एक रिर्सोटमा जम्मा भएका छन् । उनीहरुले मतदाता सांसदहरुसँग छलफल गरिरहेका छन् ।
बानियाँलाई गगन थापालगायतको समर्थन रहेको बुझिएको छ ।
