काठमाडौं । सन् २०२२ को जुलाईमा हजका लागि नेपालबाट गएका हजयात्रुहरुबाट विविध शुल्कवापत लिएको रकम फिर्ता हुने भएको छ।
नेपाल हज समितिले यसवर्षको हजमा सहभागी ५ सय ५८ यात्रुलाई रकम फिर्ता गर्ने निर्णय गरेको हो ।
ति यात्रुलाई ४ हजार ३४५ रुपैयाँ ७१ पैसा फिर्ता गर्ने समितिले जनाएको छ।
हज यात्रामा सहभागीहरुले नेपालका क श्रेणीका बैंक खाताको विवरण र पासपोर्टको फोटोकपिसहित सम्बन्धित जिल्ला प्रशासन कार्यालयमा एक महिनाभित्र निवेदन दिन आग्रह गरेको हो ।
विविध शीर्षकमा साउदी रियाल २ सय को दरले लिएको उक्त रकम खर्च नभएपछि फिर्ता गरेको हो ।
