नविन नरसिंह नेपाली
१० सप्तरी ,फागुन। सगरमाथा अंचलकै केन्द्र रहेको सदरमुकाम राजविराज स्थित राजरंगशाला अहिले सम्बन्धित निकायको उपेक्षाको शिकार भई गौ चरण र शौचालयको रुपमा परिणत हुदै गएकोे छ ।
राजरंगशालाको अवस्था हेरेर स्थाानीयहरुले चिन्ता र आक्रोश एकैसाथ पोखि रहेका छन । २०३६ सालमा तत्कालिन अंचलाधिश लक्ष्य बहादुर गुरुड र स्थानीयबासिन्दाको सहयोगमा निर्माण गरिएको सो रंगशाला सम्बन्धित निकायको वेवास्ताका कारण दुर्ग्नर््िधत, जिर्ण र गौचरणमा परिणत भएको हो ।
२ विघा ७ कठ १३ धुर क्षेत्रफलमा फैलिएको रंगशालाको पर्खाल ठाउँ—ठाउँमा भत्केर जीर्ण भएपछि बटुवाहरुलाई दिशा—पिसाब गर्न सजिलो भएको छ भने गाई, गोरु, बाख्रा, र सुँगुरहरुलाई पनि आहारका लागि चरण गर्न सहज भएको छ । पर्खाल भत्किएकै कारण बटुवा मात्र हैन नजिकै रहेको बसपार्कबाट यात्रु र स्थानीयबासिन्दाले समेत मैदानलाई शौचालयको रुपमा प्रयोग गर्न थालेका छन ।
समय—समयमा विभन्नि राजनैतिक दलको सभा र कार्यक्रमका कारण मैदान भरी दर्जनौ खाल्टा खुल्टी बनाइएका छन । एक त फोहोर र दुर्ग्न्धित मैदान अर्को्तिर ठूल—ठूला खाल्टा खुल्टीले खेलाडीहरु जोखिमपुर्ण अवस्थामा अभ्यास गरिरहनु परिरहेको स्थानीय खेलाडी सुमित क्षेत्री बताउनु हुन्छ । ७ हजार दर्शक अटाउने क्षमता रहेको रंगशालाको प्याराफिट पूणर््ारुपमा जिर्ण भईसकेको छ । जसका कारण प्याराफिटबाट कुनै पनि बेला ठूलो दुर्घटना हुने सम्भावना रहेको छ।
सम्बन्धित निकायको मौनताकै कारण जीर्ण अवस्थामा पुगेको प्याराफिटमुनीको १५—२० वटा कोठाहरु स्थानीय विपन्न समुदायका व्यक्तिहरु प्रयोग गरिरहेका छन् । उनीहरु माथि खतरा घण्टी बजिरहेको छ, तर पनि सम्बन्धित निकायले सचेत गराएको छैन रंगशालाको दयनीय अवस्था प्रति कुनै पनि निकायले ध्यान दिन नसक्दा सप्तरीको खेलकुदको भविष्य अन्धकारमय हुदै गएको छ।
