सिन्धुली । सिन्धुलीमा बाढीपहिरोले दुईजनाको मृत्यु भएको छ । कमलामाई नगरपालिका ५ स्थित पोश्रेटार स्कुल नजिकको कमला खोलाले बगाएर एक जनाको मृत्यु भएको छ भने कमलामाई नगरपालिका ८ स्थित पैरेमा पहिरोले पुरिएर एकको मृत्यु भएको छ ।
खोलाले बगाएको अन्दाजि ५०-६० वर्षको सन्त बहादुर मगरको शव कमलामाई नगरपालिका ८ सिस्नेरिमा बिहान साढे ९ बजे फेला परेको हो । उनको कमला नदिको किनारमा शव फेला परेको जिल्ला प्रहरी कार्यालय सिन्धुलीका प्रवक्ता प्रहरी नायव उपरिक्षक मनोज कुमार लामाले जानकारी दिए ।
