बासु देव बडू,
दार्चुला । विगत तीन दिनदेखिको अविरल वर्षाका कारण महाकाली नदीमा जलस्तर बढेको छ ।
पानीको स्तर धेरै बढेपछि जिल्ला प्रशासन कार्यालय दार्चुलाले सूचना जारी गर्दै महाकाली नदीमा जल स्तर सतर्कताको तहसम्म पुग्ने सम्भावना रहेको भन्दै सतर्क गराएको छ ।
जिल्ला प्रशासन कार्यालयले महाकाली नदीको तटिय क्षेत्र तथा जिल्लाका अन्य नदी खोला वारीपारीका क्षेत्रमा बाढी आउन सक्ने र केही जोखिमका स्थानहरुमा पहिरो समेत जान सक्ने हुँदा सुरक्षाका लागि आवश्यक सतर्कता अपनाउन आग्रह समेत गरेको छ ।
निरन्तरको वर्षाका कारण दार्चुलाका अधिकांस ग्रामिण सडकहरु अवरुद्ध भएका छन् भने अहिलेसम्म कुनै प्रकारको धनजनको क्षति भने नभएको प्रशासनले जनाएको छ ।
