एजेन्सी,२९ फागुन। अमेरिका, अस्ट्रेलिया, भारत र जापानबीच एसियामा सन् २०२२ सम्ममा कोरोना खोपको १ अर्ब डोज पु¥याउने समहति भएको छ ।
अमेरिका, अस्ट्रेलिया, भारत र जापानका नेताहरुबीच भएको बैठकले यस्तो समहति गरेको अन्तराष्ट्रिय संचारमाध्यमहरुले जनाएका छन् । भर्चुअल विधिबाट भएको बैठकमा भारतमा बन्ने जोन्सन एण्ड जोन्सनको कोरोना खोपको १ अर्ब मात्रा एसियाली मुलुकहरुमा उपलब्ध गराउने समहति भएको हो ।
अमेरिकी राष्ट्रपति बाइडन, जापानी प्रधानमन्त्री योशिहिदे सुगा, भारतका प्रधानमन्त्री नरेन्द्र मोदी र अस्ट्रेलियाका प्रधानमन्त्री स्कट मरिसनबीच क्वाड नामक गठबन्धनलाई सुदृढ बनाउने समहति पनि भएको बताइएको छ ।
यो गठबन्धनलाई सामरिक दृष्टिबाट चीन विरोधीका रुपमा लिने गरिन्छ । सन् २००७ मा जापानका तत्कालीन प्रधानमन्त्री शिन्जो आबेको अग्रसरतामा क्वाड स्थापना भएको हो ।
