धनुषा, ४ असोज । धनुषाको मिथिला नगरपालिकामा नेकपा एमालेले अग्रता कायमै राखेको छ। यस नगरमा नेपाली कांग्रेस र नेकपा माओवादी केन्द्र गठबन्धन गरेका थिए।
पछिल्लो मतपरिणाम अनुसार नेकपा एमालेका मेयर पदका उम्मेदवार हरिनारायण महतोले ९८७ र उपमेयर पदकी उम्मेदवार तारा बस्नेत १०५८ मतका साथ अग्रस्थानमा छन्।
त्यस्तै कांग्रेसका मेयर उम्मेदवार राजकुमार महतो ७७९ र माओवादी केन्द्रका उपमेयर पदका उम्मेदवार मनिष जर्घा मगरले ८९१ मतका साथ दोस्रो स्थानमा छन्। त्यस्तै नेपाली कांग्रेसबाट बागी उम्मेदवार बनेका राजाराम महतो ६७२ मतका साथ तेस्रो स्थानमा छन्।
