एजेन्सी, ३० फागुन । युरोपियन फुटबलको सर्वोच्च निकाय युईएफएले सन् २०२० को युरोकप फुटबल स्थगित गर्ने तयारी गरेको छ । चीनबाट सुरु भएको कोरोना भाईरस युरोपियन राष्ट्रमा महामारीको रुपमा फैलिएपछि युईएफएले युरोकप स्थगित गर्ने तयारी गरेको अन्तर्राष्ट्रिय संचार माध्यमहरुले जनाएका छन् ।
युरोपका विभिन्न मुलुकका १२ वटा शहरमा आयोजना हुने युरोकप आगामी जुन १२ देखि जुलाई १२ सम्म हुनेछ । तर, कोरोनाको कारण युईएफएले प्रतियोगिता एक वर्ष पछि सार्ने तयारी गरेको जनाइएको छ ।
युरोकप र च्याम्पियन्स लिगबारे छलफल गर्न युईएफएले मंगलबार आकस्मिक बैठक बोलाएको छ । ५५ सदस्य राष्ट्रका प्रतिनिधि सम्मलित उक्त बैठकमा युरोकपबारे निर्णय हुुने छ ।
