विशेष गरि मासु, खिर, खिचडी जस्ता पकवानमा स्वाद ल्याउनको लागि प्रयोग गरिने ल्वाङको औषधीको रुपमा प्रयोग गर्दा पनि स्वास्थ्य समस्या हटाउन मद्दत गर्छ ।
पेटमा ग्याष्ट्रिकको समस्या
एक कप उम्लिदै गरेको पानीमा दुई वटा ल्वाङ पिनेर हाल्नुहोस् । अनी सेलाएपछि खाँदा पेटबाट ग्यासको समस्या हट्छ ।
दाँत दुखेमा
दुई वटा ल्वाङमा एक चम्चा जति कागतीको रस राख्नुहोस् । अनी त्यसलाई लेप बनाएर दाँतमा राख्दा दुखाई कम हुन्छ । र तपाईलाई चाँडै आराम मिल्छ ।
मुख गन्हाउने समस्या
ल्वाङलाई अलैचीसँग मिसाएर खाँदा तपाईको मुख गन्हाउन छोड्छ र ताजा सासको अनुभुति दिन्छ ।
रुघा खोकी
तातोपानीमा दुई तीनवटा ल्वाङ अनि केही तुल्सीको पात मिसाउनुहोस् र एक चम्चा जति मह मिसाएर खाुनहोुस् । यसरी खाँदा तपाईको रुघाखोकी यसले कम गर्छ ।
गर्दन दुखेमा
दुईवटा जति ल्वाङलाई पिनेर सरसिउँको तेलमा राख्नुहोस् । हल्का रुपमा गर्दनमा मालिस गर्नुहोस् । यसो गर्नाले तपाईलाई दुखाईबाट पुर्णरुपमा छुटकारा मिल्छ ।
पेटमा जुका परेमा
दुइवटा जति ल्वाङ पिनेर १ चम्चा जति मह हालेर केही दिन खानुपर्छ ।
मानसिक तनाव
तातो पानीमा ल्वाङ, तुलसी र पुदीनाको केही पात मिसाएर खाँदा दिमागको स्टे«स कम गराउँछ ।
टाउको दुखेमा
यसलाई अलिकति कपुरसँग पिस्नुहोस् अनी नरीवलको तेलसँग मिसाएर टाउकोमा लगाउनुहोस् । यसो गर्नाले तपाईको टाउको दुखाई कम हुन्छ ।
कपालको सुख्खापन
केही ल्वाङको धुलो र जौँको तेललाई हल्का तातो बनाएर कपालमा लगाउँदा कपालको रखोपन हराएर जान्छ ।
