एजेन्सी, १९ फागुन । लिग कपको उपाधिमा म्यानचेस्टर सिटीले ह्याट्रिक गरेको छ । आइतबार राति भएको खेलमा सिटीले एस्टोन भिल्लालाई २–१ गोल अन्तरले हराउँदै सातौ पटक उपाधि उचाल्न सफल भएको हो ।
एनफिल्डमा भएको खेलमा सिटीको जितमा सर्जियो अगुइरो र रोद्रि हेर्नान्डेजले एक एक गोल गरे । पहिलो हाफ २–१ को अवस्थामा सकिएका बेला दोस्रो हाफमा दुबै टिमबाट पोष्टमा आक्रमण भएपछि गोल हुन सकेन । पहिलो हाफको दुई गोलले सिटीलाई लिगको उपाधि उचाल्न पर्याप्त बन्यो ।
यो सिजनको उपाधिसँगै उसले लिग कपमा ह्याट्रिक गरेको छ । यसका साथै सिटीले यो प्रतियोगिताको सर्बाधिक उपाधि जित्ने सूचीमा शिर्ष स्थानका रहेको लिभरपुलको अन्तर पनि एकमा झारेको छ ।
लिभरपुलले अहिलेसम्म आठ पटक यो प्रतियोगिताको उपाधि जितेको छ । लिभरपुल अन्तिमपटक सन् २०१२ मा उपाधि जित्न सफल भएको थियो भने २०१६ मा फाइनलमा सिटीसँग पराजित भएको थियो ।
