काठमाडौं, ४ पुस । पोखरा प्रिमियर लिगमा पारस खड्काको कप्तानीमा हरेको चितवन राइनोजले आफ्नो अपराजित यात्रालाई कायमै राखेको छ ।
शनिबार भएको खेलमा चितवनले धनगढी ब्लुजलाई ५२ रनले हराउँदै आफ्नो अपराजीत यात्रा कायमै राखेको हो । पोखरा क्रिकेट मैदानमा टस जितेर पहिले ब्याटिङ गरेको चितवनले २० ओभरमा ५ विकेट गुमाउँदै एक सय ८१ रन बनायो ।
२९ रनमा पहिलो विकेट गुमाएको चितवनका रोहन मुस्तफा ९ रनमा आउट भए । पारस खड्काले २३, हरीशंकर शाहले ८, बाबर हायातले ३६ रन बनाए भने अनिल शाहले १९ रन जोडे ।
त्यसपछि आरिफ शेख र सन्नी पटेलले अर्धसतकीय साझेदारी गरेपछि चितवनले बलियो लक्ष्य दियो । आरिफले ४७ रन बनाए भने सन्नीले ३२ रनको योगदान गरे । जवाफमा धनगढी ब्लुज २० ओभरमा ८ विकेट गुमाउँदै एक सय २९ रनमा रोकियो ।
उसका ४ खेलाडीले मात्र दोहोरो अंक जोड्नसफल भए । जसमा कप्तान दिपेन्द्रसिंह ऐरीले ४९ रन बनाए भने रोद्रिगो थोमसले २४ तथा सन्दिप जोराले २१ र अमित यादवले १७ रन बनाए ।
