विराटनगर, १८ जेठ । नेपाल कम्युनिष्ट पार्टी (नेकपा)का अध्यक्ष पुष्पकमल दाहालले एक वर्षपछि आफू प्रधानमन्त्री बन्ने बताउनुभएको छ ।
शनिबार विराटनगरमा संचारकर्मीहरुसंगको कुराकानीमा अध्यक्ष दाहालले देशको परिस्थिति अनुकुल रहे एक वर्षपछि पूर्व सहमतिका आधारमा आफू प्रधानमन्त्री बन्ने बताउनुभएको हो । उहाँले दुइपार्टीबीच एकताको बेला भएको सहमतीलाई इमान्दारिताका साथ कार्यान्वयन गर्दै लैजाने पनि उल्लेख गर्नुभयो ।
दाहालले पार्टी एकताका बेला आलोपालो सरकार चलाउने विषयमा प्रधानमन्त्री केपी शर्मा ओलीले भारत भ्रमणका क्रममा आफ्नो पद ४-५ दिन मात्रै बाँकी रहेको भन्दै दिएको प्रतिक्रिया प्रतिकात्मक भएको उल्लेख गर्नुभयो । उहाँले पार्टी एकताका बेलामा ओली र आफुबीच भएको सहमतिको कुरा स्मरण मात्रै गरेको तर बाहिर हल्ला गर्नुपर्ने कुनै कारण नरहेको दाबी गर्नुभयो ।
अध्यक्ष दाहालले भारतको पूर्व विदेश सचिव एस जयशंकर विदेशमन्त्री हुँदैमा दुई देशबीचको सम्बन्धमा कुनै तात्विक अन्तर नहुने पनि उल्लेख गर्नुभयो ।
