छोरी परीक्षार्थी, बाबु परीक्षा नियन्त्रक

छोरी परीक्षार्थी भएका व्यक्तिलाई जिम्मेवारी दिनु र केही दिन हटाएको जस्तो गर्नु लापरबाहीको पराकाष्ठा भएको उनीहरूको तर्क छ। ‘यस्तोमा बोर्डले जिम्मेवारीमा बस्न दिनुहुँदैन, स्वयं पदमा बस्ने व्यक्तिले पनि आफ्नो आफन्त छ भने बस्नुहुँदैन,’ ती अधिकारीले कान्तिपुरसँग भने, ‘नैतिकता नभएपछि जे गरे पनि हुन्छ।’ शर्माले भने छोरीको परीक्षा भएकाले आफू संलग्न नभएको प्रतिक्रिया दिए। ‘छोरीले जाँच दिने भनेर आफैं ब्याक बसेको हुँ, जिम्मेवारीबाट हटाइएको होइन,’ उनले भने, ‘१२ को परीक्षा अवधिभर जिम्मेवारी लिइनँ, मैले नैतिकता देखाएको हो। बाध्यकारी कानुनी व्यवस्था होइन।’ प्रश्नपत्र छपाइ र प्याकिङका क्रममा छापाखानामा नगएको उनले दाबीसमेत गरे।