वैशाख २७, साता कारोबारको अन्तिम दिन बिहीबार सेयर बजार परिसूचक नेप्से अघिल्लो दिनको तुलनामा ५.६३ अंक बढेको छ ।
योसंगै नेप्से १९६६ अंकमा कायम भएको छ । ११५ कम्पनीको मूल्य बढ्दा ११५ को घट्यो भने १४ को स्थिर रह्यो । कुल ३ अर्ब १२ करोडको कारोबार भयो ।
होटल तथा पर्यटन समूह भने सबै भन्दा धेरै ३४२ अंक अर्थात ६.९६ प्रतिशत बढेको छ । बैंकिङ ४, विकास बैंक ३२, फाइनान्स १४, हाइड्रोपावर ४ र निर्जीवन बीमा समूह १६ अंक बढे । जीवन बीमा ४३, उत्पादन ७ र माइक्रोफाइनान्स समूह ३८ अंक घटे । धेरै मूल्य बढेका कम्पनीमा पनि होटल तथा पर्यटन समूहकै कम्पनीहरु अगाडि रहे ।
ओरियन्टल होटलको ८.४६, सिटी होटलको ७.९९, सोल्टी होटलको ७.४१, तारागाउँ रिजेन्सीको ६.५६ प्रतिशत मूल्य बढ्यो । त्यस्तै नेपाल बैंकको मूल्य ५.९, नारायणी डेभलपमेन्टको ५.७, चन्द्रागिरि हिल्सको ५.६ तथा कालिन्चोक दर्शनको ५ प्रतिशत मूल्य बढ्यो ।
मूल्य धेरै घट्नेमा सबैको लघुवित्त, विन नेपाल, साधना र मनकामना स्मार्ट लघुवित्त अगाडि रहे ।
यी चारै कम्पनीको ४ देखि ४.७ प्रतिशतसम्म मूल्य घट्यो । कारोबार रकमका आधारमा नेपाल फाइनान्स, सोल्टी होटल, फस्र्ट माइक्रोफाइनान्स, पोखरा फाइनान्स र हिमालयन डिस्टिलरी क्रमशः अगाडि रहे । ०००
