कास्की, २८ फागुन । नेपाली काँग्रेसका सभापति शेरबहादुर देउवाले सिके राउतसँग सरकारले गरेको सम्झौता राष्ट्रघाती भएको बताएका छन् ।
प्रेस युनियन कास्कीको आयोजनामा मगंलबार पोखरामा सञ्चारकर्मीसँगको भेटघाटमा उनले सम्झौतामा हस्ताक्षर गरेका राउतले सरकार जनमत संग्रहमा जान तयार भएको भन्ने अर्थ लगाई रहेकोले त्यो सम्झौता राष्ट्रघाती भएको बताए । उनले आफ्नो पार्टी सो सम्झौताको खिलापमा रहेको पनि बताए ।
पूर्वप्रधानमन्त्री समेत रहेका नेता देउवाले विखण्डनकारीलाई मूलधारमा ल्याउनु ठीक भए पनि देश नयाँ बनाउँछु भनेकाले राउतसँगको सम्झौताको बारेमा सरकारले स्पष्ट पार्नु पर्ने देउवाले बताए ।