काठमाण्डौँ, १६ भदौ । इराकमा १२ नेपालीको बर्बरतापूर्वक हत्या भएको १३ वर्ष पूरा भएको छ । रोजगारीका लागि इराक पुगेका १२ नेपालीको वि.सं. २०६१ साल भदौ १५ गते आतंककारी समूहबाट हत्या भएको थियो ।
रोजगारीको खोजीमा इराक पुगेका १२ नेपाली भदौ ४ गते आतंककारीको अपहरणमा परेका थिए । उनीहरुको हत्यापछि राजधानी काठमाण्डौँमा तोडफोड भएको थियो ।
काठमाण्डौँमा भड्केको दंगाका क्रममा उछृंखल समूहले वैदेशिक रोजगार कम्पनीमाथि तोडफोड, लुटपाट, र आगजनी गरेका थिए । त्यसैले वैदेशिक रोजगार व्यवसायीले भदौ १६ लाई कालो दिनका रूपमा मनाउँदै आएका छन् ।
इराकमा नेपालीको हत्याकाण्ड र राजधानीमा म्यानपावरमाथी अराजक तरिकाले भएको आक्रमणको आज १३ वर्ष पूरा भएको हो ।
इराकमा आतंककारीको अपहरण गरी १२ नेपालीहरुको हत्या गरिएको घटनालाई समेटेर ‘१२ नेपाली एक चिहान’ नामक फिल्म समेत निर्माण भएको थियो ।
