काठमाडौं, ७ माघ । सोमबार नेप्से सूचक १०.८६ अंकले घटेर ११६८.०६ विन्दुमा आइपुगेको छ । बजार समग्रमा ०.९२% ले ओरालो लागेको हो ।
१६६ कम्पनीको ३६ करोड ७७ लाख रुपैयाँभन्दा धेरैको सेयर कारोबार भएको छ । १२ लाख ६५ हजार ७८६ कित्ता सेयर खरिदबिक्री भएका छन् ।
कुल ११ वटा समूहको सेयर कारोबार भएकामा फाइनान्सबाहेक बाँकी सबै समूहका सूचक तल झरेका छन् । सबैभन्दा धेरै जीवन बिमा समूहको सूचक ६१.६८ अंकले घटेको छ । वाणिज्य बैंक समूहको सूचक पनि ४.६२ अंकले तल झरेको छ ।
कारोबार रकममा माथिल्लो तामाकोशी अग्रस्थानमा छ । यसको १० करोड ९१ लाख रुपैयाँभन्दा धेरैको सेयर कारोबार भएको हो । कारोबार रकमकै आधारमा दोस्रो र तेस्रो स्थानमा क्रमशः एनआइसी एसिया बैंकको संस्थापक सेयर र नागरिक लगानी कोष परेका छन् ।