काठमाडौं, ३ माघ । थाइल्याण्डमा भइरहेको महिला टी– २० स्म्यास क्रिकेटमा शुक्रवार (भोली) नेपालले सेमिफाइनलमा इन्डोनेसियासँग खेल्दैछ ।
समूह ए मा चार वटै खेल जितेर समूह विजेता बनेको नेपालले समूह बी को उपविजेता इन्डोनेसियासँग खेल्ने भएको हो । नेपालले समूह चरणमा चीनलाई १० विकेटले, मलेसियालाई ६ विकेटले, युएईलाई ६ विकेटले र थाइल्याणण्ड ए लाई ९ विकेटले पराजित गरेको थियो । बलिङ र ब्याटिङमा बलियो देखिएको नेपालले इन्डोनेसियालाई पराजित गरेमा पहिलो पटक सिनियर महिला क्रिकेटको फाइनलमा प्रबेश गर्ने छ ।
उता समूह बी मा आयोजक थाइल्याण्डको सिनियर टिम सबै चार खेल जित्दै समूह विजेता बन्दा थाइल्याण्डसँग हारेको इन्डोनेसिया समूह उपविजेता बनेको हो । थाइल्याण्डले अर्को सेमिफाइनलमा समूह ए को उपविजेता युएईसँग खेल्नेछ ।
