काठमाडौं, ८ पुस । इन्डोनेसियाको सुन्डा स्ट्रेट (खाडी) नजिकैको तटीय इलाकामा सुनामीका कारण ४३ जना को मृत्यु भएको छ ।
देशको प्रकोप व्यवस्थापन एजेन्सीका अनुुसार केही व्यक्तिहरु हराइरहेका छन । दर्जनौं भवन क्षती भएका छन् भने पाँच सय ८५ जना घाइते भएका छन् । क्रिकाटोआ ज्वालामुखी बिस्फोट भएपछि समुन्द्र भित्र भएको भुस्खलनका कारण सुनामी आएको अनुमान गरिएको छ ।
सुन्डा स्ट्रेट, जावा र सुमात्रा द्वीपबीच अवस्थित छ जसले जावा सागरलाई हिन्द महासागरसँग जोड्छ । पान्डेगलांग, दक्षिण लामपुङ र सेराङ क्षेत्रमा अत्यधिक क्षती भएको बुभिएको छ ।प्रकोप व्यवस्थापन एजेन्सीका अनुसार शनिबार पुर्णिमा भएकाले पनि समुन्द्रको छाल निकै माथिसम्म उठेको बताइएको छ ।
