काठमाडौं, १५ मंसिर । अमेरिकाका पूर्व राष्ट्रपति जर्ज एच. डब्लु बुसको गएराती निधन भएको छ ।
अमेरिकाको ४१ औँ राष्ट्रपतिका रुपमा जिम्मेवारी सम्हालेका बुसको ९४ वर्षको उमेरमा निधन भएको हो । उनी सन् १९८९ देखि १९९३ सम्म अमेरिकाको राष्ट्रपति भएका थिए ।
त्यसअघि उनले ८ वर्षसम्म उपराष्ट्रपतिको जिम्मेवारी निर्वाह गरेका थिए । तत्कालीन सोभियत युनियन र अमेरिकाबिचको शित युद्ध अन्त्य गर्नका लागि उनको भूमिका महत्वपूर्ण रहेको थियो ।
बुसको निधनप्रति अमेरिकाका पूर्व राष्ट्रपति वाराक ओवामाले अमेरिकाले एक राष्ट्रवादी ब्यक्ति गुमाएको उल्लेख गरेका छन् ।
