पोखरा, ८ भदौ । पोखराको पृथ्वी चोकमा रहेको नेपाल बैंक लिमिटेडको शाखा कार्यालयमा हिजो (बिहीबार) राति करिब १० बजे आगलागी भएको छ।
शाखाको काउन्टर रुममा विद्युत सट भएर आगो लागेको हो। आगलागीबाट सामान्य क्षति भएको जिल्ला प्रहरी कार्यालय कास्कीका प्रवक्ता डिएसपी खड्ग बहादुर खत्रीले जानकारी दिएका छन्।
बैंकका गार्डले आगो लागेको थाहा पाएपछि प्रहरीलाई खबर गरेका थिए। तत्कालै पोखरा महानगरपालिकाको दमकलले आगो निभाएकाले ठूलो क्षति हुन नपाएको प्रहरी प्रवक्ता खड्काले बताएका छन्।
