काठमाडौं, ९ असोज । महानगरीय प्रहरी परीसर काठमाडौंले टोखाबाट अवैध तीन किलो सुन सहित दुई जनालाई पक्राउ गरेको छ । मंगलबार महानगरीय प्रहरी परिसर काठमाडौंले पत्रकार सम्मेलन गरी तीन किलो सुनसहित दुई जनालाई पक्राउ बारे जानकारी दिएको हो ।
पक्राउ पर्नेमा रुसुवाका गोसाईकुण्ड गाउंपालिका–१ का २४ बर्षीय नरबहादुर घले र सोही ठाउँका २० वर्षीय पेम्बा तामाङ रहेका छन् । उनीहरुलाई विशेष सुचनाको आधारमा चेक जाँचगर्दा सोमवार साँझ टोखाबाट प्रक्राउ गरेको महानगरीय प्रहरी परिसर काठमाडौंको भनाई छ ।
प्रहरी प्रमुख लामाले प्रक्राउ परेकालाई कसैले परिचालन गरेको हुनसक्ने बताए । उनले १ किलो सुन बराबर ५० हजार रुपैया दिने गरी काम लगाएको हुनसक्ने प्रारम्भिक अनुसन्धानमा खुल्न आएको जानकारी समेत दिए । प्रक्राउ परेकाहरुको थप अनुसन्धान भईरहेको प्रहरीले जनाएको छ ।
