काठमाडौं, ३१ भदौ । प्रतिनिधिसभाको आईतबारको बैठकले ‘अपराध पीडित संरक्षण विधेयक, २०७५’ पारित गरेको छ । आइतबार कानुन, न्याय तथा संसदीय मामिला मन्त्री भानुभक्त ढकालले प्रतिनिधिसभाको बैठकमा निर्णयार्थ पेश गरेको सो विधेयक सर्वसम्मतिले पारित गरिएको हो ।
यस अघि विधेयकमाथिको दफावार छलफलमा भाग लिँदै सांसद प्रेम सुवालले अपराध पीडितलाई न्याय दिने गरी कानुनी व्यवस्था गर्न सरकारको ध्यानाकर्षण गराएका थिए । यता, कानुन, न्याय तथा संसदीय मामिला मन्त्री भानुभक्त ढकालले अपराध पीडितलाई न्याय दिने प्रतिवद्धता व्यक्त गरेका थिए ।
सरकारले अपराध पीडितलाई संरक्षण गर्ने उद्देश्यका साथ सो विधेयक प्रतिनिधिसभामा पेश गरेको थियो ।
