काठमाडौं, १२ भदौ । नेपाल पत्रकार महासंघका महासचिव रमेश विष्टले मुलुकी संहिता ऐनले प्रेस स्वतन्त्रता माथि अंकुश लगाएको भन्दै सच्याउन माग गरेका छन् ।
सरकारले भदौ १ गते देखि लागू गर्दै ल्याएको मुलुकी संहिता ऐनले प्रेस स्वतन्त्रता कुण्ठित गर्न खोजेको उनले बताए । मंगलबार राजधानीमा नेपाल पत्रकार फोरमको कार्यक्रममा बोल्दै महासचिव विष्टले दुई तिहाई मत प्राप्त सरकारले प्रेस स्वतन्त्रताको मर्म र भावनामाथि ठेस पुर्याएको भन्दै तत्काल सच्याइनु पर्ने बताए ।
उनले समाचारको मुहानमा नै अघोषित निषेधाज्ञा जारी गरेको भन्दै उक्त ऐनले श्रमजीवी पत्रकारहरुलाई प्रत्यक्ष प्रभाव पारेको बताए ।