झापा, २८ असार । झापाको चाराआली–केचना सडकखण्डमा खनिएको नालामा डुबेर एक बालिकाको मृत्यु भएको छ । नालामा डुबेर भद्रपुर नगरपालिका १ की रेविका तामाङको मृत्यु भएको हो ।
बुधवार बेलुका ७ बजे घर छेऊ खनिएको सडक नालामा जमेको पानीमा बालिका डुबेको अवस्थामा स्थानीयले देखेर खबर गरेको प्रहरी कार्यालय झापाले जनाएको छ । नालामा डुबेर बेहोस भएकी बालिकालाई उपचारका लागि मेची अञ्चल अस्पताल लैजादै गर्दा मृत्यु भएको प्रहरीले जनाएको छ ।
