एएनपीका नेता हारुनलाई लक्षित आत्मघाति आक्रमणमा २१ जनाको मृत्यु, ६५ भन्दा बढी घाइते
एजेन्सी, २७ असार । पाकिस्तानमा आम निर्वाचन नजिकिँदै गर्दा हिंसात्मक घटना बढेका छन् । जसका कारण मतदाता भयभित भएका छन् । आवामी नेशनल पार्टीकै सरकार रहेको पेशावरमा सोही पार्टीका ठूला नेता हारुन अहद बिलौरसहित २१ जनाको मृत्यु हुनेगरी आत्मघाति विष्फोट गराएपछि सुरक्षा चुनौति बढेको छ । घटनामा अन्य ६५ जना घाइते भएका छन् ।
पाकिस्तानमा २५ जुलाइमा आम निर्वाचन हुँदै छ ।
निर्वाचन आउन दुई साता पनि बाँकी नरहँदा मतदातालाई भयभित गराउने गरी नेता लक्षित आक्रमण बढेको छ । आतंकवादी संगठन तालिवानद्वारा आत्मघाति आक्रमणमा पेशावरको सत्तारुढ दल आवामी नेशनल पार्टीका नेता हारुन अहमद बिलौरसहित २० जना भन्दा बढीको हत्या गरिएपछि मतदाता आतंकित भएका छन् ।
घटनामा अन्य ६५ जना घाइते भएका छन् । चुनावी ¥यालीमा रहेका हारुनलाई लक्षित गरी आक्रमण गरिएका अधिकारीहरुले जनाएका छन् । बमनिरोधक बिशेषज्ञका अनुसार कम्तीमा १२ केजी बिष्फोटक सामग्री प्रयोग भएको आत्मघाती बिष्फोट गराएको थियो ।
हारुनका पिता बरिष्ठ नेता बसिर अहमद बिलौरलाई पनि सन २०१२ मा तालिवानले आत्मघाती बिष्फोटमा ज्यान लिएका थिए । पाकिस्तानको उत्तर–पश्चिम क्षेत्रमा अवामी नेशनल पार्टीले तालिवानबिरुद्ध कार्यक्रम सञ्चालन गर्दै आएको छ ।
तालिवानले आवामी नेशनल पार्टीको अरु पनि कार्यक्रममा आक्रमण गर्ने धम्की दिएको पाकिस्तानी सञ्चारमाध्यमहरुले जनाएका छन् ।
आम निर्वाचनका लागि ३ लाख ७० हजार भन्दा बढी सुरक्षाकर्मी परिचालन गरिए पनि नेता कार्यकर्तादेखि मतदाताले सुरक्षित अनुभूति गर्न सकेका छैनन् । सत्तारुढ दलकै नेताको हत्या भएपछि सुरक्षा चुनौति थप जटिल बनेको छ ।
जबकि निर्वाचन आयोगले शान्ति सुरक्षाको भरपर्दाे प्रवन्ध मिलाइएको दाबी गरेको छ । अवामी नेशनल पार्टीका बरिष्ठ नेता मियाँ इफ्तिखार हुसेनले पाकिस्तानमा प्रजातन्त्र नचाहने र २५ जुलाइमा हुुने निर्वाचन भाँड्न चाहनेले यस प्रकारको आतंकको सहारा लिएको आरोप लगाए ।
तेहरेक ए इन्साफका नेता इमरान खानले यस घटनाप्रति चिन्ता ब्यक्त गर्दै चुनाव प्रचारको बेला सबै पार्टीका उम्मेदवारहरुलाई सरकारले कडा सुरक्षाको ब्यवस्था गर्नुपर्ने माग गरे । पाकिस्तानी सेनाका मेजर जनरल आसिफ गफुरले सन २०१३ को आमनिर्वाचन भन्दा यसपाली तेब्बर सुरक्षाकर्मी परिचालन गरिएको बताए ।
उनले चुनाव निष्पक्ष र पारदर्शी गराउन सेनाले सबै प्रकारको सहयोग गर्ने बताए । तथापी आतंकवादी गतिविधि नियन्त्रण नहुँदा मतदाता ढुक्क भएर मतदान गर्नसक्ने अवस्थामा छैनन ।