दाङ, १४ असार । दाङमा सस्तोमा जग्गा नबेचेको भन्दै अर्घाखाँचीकी दिलमाया पुनलाई कुटपिट गर्ने दुई महिलालाई २५ हजार जरिवाना सहित ६ महिनाको लागि जेल चलान गरिएको छ ।
गत जेठ २५ गते अर्घाखाँची सितागंगा नगरपालिका–९ ठाडोखोलाकी दिलमायालाई कपडा च्यातेर कुटपिट गर्ने राप्ती गाउँपालिका–१ भालुबाङकी ३५ वर्षीया रेखा गुप्ता र २९ वर्षीया अनिता गुप्तालाई जेल चलान गरिएको हो ।
कुटपिटबाट घाइते दिलमायाको उपचारमा लागेको १५ हजार खर्च समेत उनीहरुले नै तिराउने फैसला भएको दाङका प्रमुख जिल्ला अधिकारी गजेन्द्रबहादुर श्रेष्ठले बताए । दुवैजनालाई तुलसीपुर कारागार चलान गरिएको छ ।