बारा, १२ असार । बाराको जीतपुरमा डिजेल बोकेको ट्याङकर दुर्घटना हुँदा १२ हजार लिटर डिजेल नष्ट भएको छ । जीतपुरसिमरा उपमहानगरपालिका ७ रातोपुल नजिकै ना २ ख १११४ नम्बरको ट्याङकर पल्टिदा १२ हजार लिटर डिजेल नष्ट भएको हो ।
रक्सौलबाट डिजेल बोकेर अमलेखगन्ज स्थित नेपाल आयल निगम डिपोमा आउँदै गरेको ट्याङकर यात्रुबाहक बसलाई साइड दिने क्रममा पल्टिएको हो ।
डिजेल सडकमा पोखिएपछि स्थानीय उद्दार गर्नुको सट्टा डिजेल संकलन गर्न थालेका थिए । सिमराबाट गएको प्रहरी टोलीले चालक सहित तीन जनाको उद्दार गर्नुका साथै केहि मात्रामा डिजेल ड्रममा खनाएर जोगाएको छ ।
