हेटौंडा, ८ असार । हेटौंडा घोषणा पत्र जारी गर्दै कांग्रेस जिल्ला सभापतिहरुको राष्ट्रिय भेला सकिदै छ । आज नेतृत्वलाई विभिन्न सुझाव सहित हेटौंडा घोषणा पत्र जारी गर्ने तयारी भएको मकवानपुर जिल्ला सभापति इन्द्र बानियाँले जानकारी दिए ।
घोषणा पत्रमा जिल्ला तहमा पार्टी सुदृढिकरणका उपायहरु र आगामी कार्यभारका विषय राखिने छ । बिहीबार ७१ औं सभापतिले बोलेपछि बन्द सत्र सकिएको थियो । डोल्पा, जाजरकोट, बैतडी र मुस्ताङका जिल्ला सभापति अनुपस्थित भएका र नवलपुरमा सभापति चयन नै नभएका कारण ७१ जना जिल्ला सभापति मात्रै भेलामा सहभागि थिए ।
भेलामा सहभागि शीर्ष नेताहरुले जिल्ला सभापतिहरुले पार्टी नेतृत्वलाई जुनसुकै हालतमा एक भएर जिल्ला जिल्लामा संगठन परिचालनको वातावरण बनाउन सुझाएका छन् ।
