भोजपुरी स्टार निरहुवासँग फिल्म गर्दै नीता | ईमाउण्टेन समाचार

Our Network

चैत ६ २०८०, मंगलबार

भोजपुरी स्टार निरहुवासँग फिल्म गर्दै नीता

nita nirhuwa

काठमाडौं, ७ असार । अभिनेत्री नीता ढुंगानालाई अनलक्की नायिका भन्ने गरिन्छ । हातमा फिल्मको कमी नभएपनि उनका अधिकांश फिल्म बक्सअफिसमा चम्किन सकेका छैनन् । यसबीच उनको हातमा एक भोजपुरी फिल्म परेको छ ।

नाम नखुलाइएको फिल्ममा भोजपुरी स्टार दिनेशलाल यादव (निरहुवा) लिड रोलमा रहनेछन् भने नीता उनको अपोजिटमा देखिनेछिन् । फिल्मीखबरसँग फोनर्वार्ता गर्दै उनले भनिन्, पर्सिबाट फिल्मको छायांकन नेपालबाट सुरु हुँदैछ । स्क्रिप्ट चित्त बुझेर फिल्म गर्न राजी भएकी हुँ । उनले पहिलो पटक भोजपुरी सुपरस्टारसँग काम गर्न लागेकोमा खुसी व्यक्त गरिन् । उनले फिल्ममा आफ्नो भूमिकाको विषयमा जानकारी दिन निर्माण टिमबाट अनुमती नभएको बताइन् । उनी फिल्ममा आफ्नो भूमिका कमजोर नभएको बताउँछिन् ।

उनका अनुसार, उक्त फिल्मको नेपाल र भारतमा छायांकन हुनेछ । केही दिनमै एक कार्यक्रमका बीच बाँकी कलाकार र निर्देशकको नाम सार्वजनिक गर्ने तयारीमा निर्माण टिम रहेको बताइएको छ ।  यसअघि भोजपुरी स्टार निरहुवाले नेपाली फिल्मका द्वन्द्व निर्देशक चन्द्र चन्त निर्देशित भोजपुरी फिल्म निरहुवा चलल लन्डन मा काम गरिसकेका छन् । उनी सांगीतिक कार्यक्रमसँगै फिल्मको छायांकनका लागि धेरै पटक नेपाल आइसकेका छन् । फिल्मीखवरबाट

(function ($) { $(function () { $('#announcementModal').modal('show'); }) })(jQuery);