काठमाडौं, २१ जेठ । आपूर्तीमन्त्री मातृकाप्रसाद यादवले अन्तर्राष्ट्रिय बजारमा पेट्रोलियम पदार्थको मूल्य बृद्धि हुँदा नेपालमा पनि बढ्नु स्वभाविक भएको बताएका छन् ।
सोमबारको प्रतिनिधिसभा बैठकमा मन्त्री यादवले मूल्य बृद्धि हुँदा पनि भारतमा भन्दा नेपालमा पेट्रोलियम पदार्थ सस्तो भएकाले तस्करी बढेको बताए । मूल्य वृद्धि पछि पनि आयल निगमलाई ३७ करोड रुपैयाँ घाटा रहेको भन्दै मन्त्री यादवले पेट्रोलियम पदार्थको मूल्य वृद्धिको बचाउ गरे ।
मन्त्री यादवले विगतमा पेट्रोलियम पदार्थको मूल्यमा राजनीति हुँदा आयल निगम करोडौं घाटामा गएको र तेलको भुक्तानी दिन नसक्दा सरकार जमानी बसेर ऋण खोजिदिनुपर्ने अवस्था आएको बताए ।
