एजेन्सी, ३० बैशाख । इन्डोनेसियाको सुराबायामा रहेका ३ वटा चर्चमा आत्मघाती बम विस्फोट भएको छ । केही समयको अन्तरमा गराइएको आत्मघाती विस्फोटमा परी ११ जनाको मृत्यु भएको छ । घटनामा अन्य ४० जना घाइते भएका छन् ।
हालसम्म कुनै पनि समूहले घटनाको जिम्मेवारी नलिएको प्रहरीले जनाएको छ । मुस्लिम बाहुल्य मुलुक इन्डोनेसियामा पछिल्ला केही महिनादेखि इस्लामिक आतंकवादी गतिविधिहरु बढ्दै गएको छ ।
आक्रमणकारीले चौथो चर्चमा पनि आत्मघाती आक्रमण गर्न खोजेको तर त्यसलाई भने असफल बनाइएको प्रहरीले दावी गरेको छ । इन्डोनेसियाको गुप्तचर विभागले आक्रमण इस्लामिक स्टेटबाट प्रभावित समूह जीमाह अन्सुरत दौलाहले गराएको हुनसक्ने आशंका गरेको छ ।
