युरोपियन प्रेस एजेन्सीले नेपालमा बाढीले निम्त्याएको हृदयविदारक फोटो कथा सार्वजनिक गरेको छ । सप्तरीको कोइलाडी– ६ का ८ वर्षीय कमल सदाको बाढीका कारण मृत्यु भएपछि उनलाई पुर्ने जमिन भएन । ८ वर्षीय बालकलाई बाढीमै बगाइएको तस्वीर यतिबेला भाइरल भएको छ ।
परम्परा अनुसार बालकलाई माटोमा पुर्नु पर्ने हो तर पुर्ने ठाउँ कतै नहुँदा मृत बालकलाई कोशी नदीमा बगाइएको हो । बालकका काका देवकुमार सदाले उनलाई बाढीमै बगाइदिएका हुन् । युरोपियन प्रेस एजेन्सी इपिएका लागि फोटो पत्रकार नरेन्द्र श्रेष्ठले यि तस्बिर खिचेका हुन् ।
तस्बिर साभार : ईपीए
मृतक बालक कमल सदालाई बोकेका काका देवकुमार सदा ।
मृतक बालक कमल सदालाई बगाउन कोशीमा लैजाँदै काका देवकुमार सदा ।
मृतक बालक कमल सदालाई बगाउँदै काका देवकुमार सदा ।
मृतक बालक कमल सदालाई बगाएर फर्कंदै काका देवकुमार सदा ।
मृतक बालकलाई कोशीको भेलमा छाडेपछि ।
