एजेन्सी , ९ बैशाख । बार्सिलोनाले लगातार चौंथो पटक कोपा डेल रे कपको उपाधि जितेको छ । गएराति भएको खेलमा सेभिल्लालाई ५–० गोल अन्तरले पराजित गर्दै बार्सिलोनाले कोपा डेल रे कपको उपाधि जितेको हो ।
मड्रिडमा भएको खेलमा बार्सिलोनाका लागि लुइस स्वारेजले २ गोल गरे । स्वारेजले १४ औं र ४० औं मिनेटमा गोल गरेका हुन् । बार्सिलोनाका लागि लिओनल मेस्सी, इनेस्टा र फिलिप काउटिन्होले एक एक गोल गरे । सेभिल्लामाथिको जितसँगै बार्सिलोना ३० औं पटक कोपा डेल रे कपको उपाधि हात पार्न सफल भएको छ ।
