सुशील भण्डारी
अछाम, ८ चैत । सरकारले महिला र पुरुषको समान कामको समान ज्याला घोषणा गरेको छ । तर अछामका महिला मजदुरहरुले पुरुष सरह काम गरेपनि ज्याला समान नपाएको गुनासो गरेका छन् ।
अछामको मंगलसेन नगरपालिकाका महिला मजदुरहरुले सडक राजमार्गमा पुरुष सरह काम गर्ने गरेका छन् । तर उनीहरुले पुरुष सरह समान ज्याला नपाएको गुनासो गरेका छन् । ठेकेदारले महिला मजदुरहरुलाई कम ज्यालामा काम लगाउने गरेको उनीहरुको भनाई छ ।
महिला र पुरुषको समान ज्याला कागजमा मात्र सिमित भएको अधिकारकर्मीहरु बताउँछन् । उता ठेकेदारहरुले भने महिला र पुरुषको काममा विभेद नगरि ज्याला दिएको दाबी गरेका छन् ।
महिला पुरुषहरुको समान कामको समान ज्याला दिने कुरा कागजमा सिमित नराख्न महिला मजदुरहरुले माग गरेका छन् ।
