काठमाडौं, २४ फागुन । राजधानीको भृकुटीमण्डपमा ७ आैँ अन्तर्राष्ट्रिय व्यापार मेला सुरु भएको छ । नेपाल उद्योग वाणिज्य महासंघले आयोजना गरेको मेलाको बिहीबार प्रधानमन्त्री केपी ओलीले उद्घाटन गरेका छन् ।
मेलाका मुख्य आकर्षणको रुपमा हस्तकलाका उत्पादनहरु रहेका छन् । मेलामा हस्तकला, पर्यटन, सूचना प्रविधि एवं व्यवसायिक सूचना, कृषि उत्पादन, उर्जा, भवन तथा निर्माण सम्बन्धी सामाग्रीहरु, शिक्षा, फलाम तथा स्टील, सवारी साधन लगायतका छन् । मेलामा नेपाल सहित चीनबाट ७४, बंगलादेशबाट २१ र पाकिस्तानबाट १५, भारतबाट १५ गरि ३ सय बढी स्टल रहेको महासंघले जनाएको छ ।
मेलाका अवसरमा बिभिन्न देशबाट आउने व्यापारिक प्रतिनिधीहरुसंग भेटघाट तथा द्धिपक्षीय व्यापार प्रवद्र्धन तथा लगानीबारे छलफल हुने बताईएको छ । महासंघले प्रत्यक्ष खरिद विक्रिका लागि भन्दा पनि मेलालाई व्यवसायिक सम्बन्ध विस्तार, व्यवसायिक सम्झौताहरु, संयुक्त लगानी आकर्षण तथा व्यवसायीक सहकार्यलाई थालनी गर्ने अवसरको रुपमा लिनुपर्ने बताएको छ ।
राष्ट्रिय तथा अन्तर्राष्ट्रिय स्तरमा लगानी तथा प्रविधि आकर्षण गर्न, नेपाली उत्पादनहरुको अन्तर्राष्ट्रिय बजार प्रबद्र्धन गरी समग्रमा मुलुकको अर्थतन्त्रलाई माथि उठाउन मेलाले सघाउ पुर्याउने विश्वास महासंघले लिएको छ । मेलामा २ लाख अवलोकनकर्ताहरुले अवलोकन गर्ने लक्ष्य राखिएको महासंघले जनाएको छ । मेला यही २८ गते सम्म चल्ने छ ।
