काठमाडौं, २० फागुन । जनसंख्या तथा वातावरणमन्त्री लालबाबु पण्डितले नेपालको एक इन्च भूमि पनि मिचिन नदिने दाबी गरेका छन । महिला दिवसको अवसरमा आइतबार काठमाडौंमा आयोजित कार्यक्रममा वातावरणमन्त्री पण्डितले छिमेकी राष्ट्रले नेपालको सीमा मिच्न खोजे सरकार टुलु टुलु हेरेर नबस्ने बताए ।
उनले आफ्नो सीमाको रक्षाका लागि सरकारले आवश्यक कदम चाल्ने बताए । दक्षिणी छिमेकी भारतले नवलपरासी, दाङ, बर्दिया, दार्चुला लगायत कैयौं जिल्लामा ६० हजार हेक्टरभन्दा बढी भूमि मिचेको सीमाविद्हरुले बताउँदै आएका छन् ।
