भेनेजुएला हालै दुईवटा राष्ट्रिय क्रिप्टोकरेन्सी सार्वजनिक गर्ने | ईमाउण्टेन समाचार

Our Network

मंसिर १७ २०७९, शनिबार

भेनेजुएला हालै दुईवटा राष्ट्रिय क्रिप्टोकरेन्सी सार्वजनिक गर्ने

काराकास पेट्रोको सफल लञ्चिङपछि भेनेजुएला हालै दुईवटा राष्ट्रिय क्रिप्टोकरेन्सी सार्वजनिक गर्ने विश्वकै पहिलो मुलुक बन्ने भएको छ ।

kripsto currncy

काठमाडौं, १६ फागुन । काराकास पेट्रोको सफल लञ्चिङपछि भेनेजुएला हालै दुईवटा राष्ट्रिय क्रिप्टोकरेन्सी सार्वजनिक गर्ने विश्वकै पहिलो मुलुक बन्ने भएको छ । नयाँ भर्चुअल टोकनलाई पेट्रो ओरो नाम दिइएको यो मुद्रालाई बहुमूल्य धातुको समर्थन रहने पनि अनुमान गरिएको छ ।

आगामी साता यो नयाँ क्रिप्टोकरेन्सी सार्वजनिक गर्ने समयतालिका मिलाइएको हुने टिभी न्युज नेटवर्क ग्लोबोभिजनले जनाएको छ । यो साताको सुरुमै देशले पेट्रोको लञ्च गरेको थियो । यो विश्वकै पहिलो राष्ट्रिय डिजिटल मुद्रा हो । यसलाई देशको ऊर्जा सञ्चितिको समर्थन रहेको पनि जनाइएको छ । सुरुको बिक्रीमा तेलको समर्थन रहेको क्रिप्टोकरेन्सीले ७३ करोड ५० लाख डलर उठाउने अपेक्षा गरिएको छ ।

माडुरोले देशको राज्य ऊर्जा कम्पनी पीडीभीएसए, राज्य सञ्चालित सीभीजी र पेट्रोकेमिकल कम्पनी पेक्विभेनलाई आफ्नो खरिद र बिक्री सम्झौतामा पेट्रोको प्रयोग गर्नका लागि आदेश दिएका छन् । यसैबीच विश्वभरि रहेका भेनेजुएलाका राजदूतावासहरूलाई वस्तु समर्थन रहेको क्रिप्टो करेन्सीको प्रयोगका लागि परामर्श सेवा दिन थालेका छन् ।