काठमाडौं, ११ फागुन । नेकपा माओवादी केन्द्रले सरकारमा सहभागी हुने सदस्यको नाम छान्ने जिम्मा अध्यक्ष पुष्पकमल दाहालसहितका तीन नेतालाई दिएको छ ।
अध्यक्ष दाहाल निवासमा विहिबार बसेको केन्द्रीय सचिवालयको बैठकले सरकारमा सहभागी हुने सदस्यको नाम छान्ने जिम्मा अध्यक्ष दाहाल नारायणकाजी श्रेष्ठ र रामबहादुर थापालाई दिएको हो । तीन सदस्यीय टोलीले आवश्यक मापदण्ड बनाएर मन्त्रीको नाम चयन गर्ने छ । समावेशी र समानुपातिक आधारमा नयाँ र पुरानालाई मिलाएर सरकारमा सहभागी हुनेको नाम छान्ने माओवादीको तयारी छ ।
बैठकले गोपाल किराती, विश्वभक्त दुलाल (आहुती) र लोकेन्द्र विष्ट मगरलाई कारबाहीस्वरुप पार्टीबाट निस्कासन गर्ने निर्णय गरेको छ ।
