२० साउन, काठमाण्डौँ । कतारले विदेशी नागरिकलाई स्थायी बसोबासको अनुमति दिने तयारी गरेको छ ।
कतारको मन्त्रिपरिषद्ले विदेशीलाई स्थायी बसोबासको अनुमति दिने योजनाको मस्यौदालाई पारित गरेको छ । मस्यौदाअनुसार कतारी महिलासँग विवाह गर्ने विदेशी नागरिकका बच्चा तथा राम्रो काम गर्ने प्रवासीले स्थायीरुपमा बसोबास पाउने छन् ।
विदेशी कामदारमा निर्भर रहेका कुनै पनि खाडी मुलुकमा यस किसिमको योजना पहिलोपटक ल्याइएको हो । हाल कतारमा करिब २७ लाख मानिस रहेकामा २४ लाख अन्य मुलुकका नागरिक हुन् ।
