एजेन्सी,२४ माघ । कुवेतको कवादस्थित कम्बाइन्ड समूहमा कार्यरत हलेसी ५ खोटाङका ३९ वर्षीय नवराज राई मृत अवस्थामा फेला परेका छन् ।
दुई वर्षदेखि कुवेतमा कार्यरत राईलाई कम्पनीको क्याम्पबाट नजिकैको खाली जग्गामा लडिरहेको अवस्थामा फेला पारेको उक्त कम्पनीमा कार्यरत रोलबहादुर विकले बताए । उनी शनिबारको काम सकेर क्याम्पबाट बाहिर निस्केपछि कोठामा फर्केका थिएनन् । लडेको अवस्थामा फेला परेपछि प्रहरीलाई खबर गरिएको थियो । उनको मृत्युको कारण खुल्न नसकेको नेपाली दूतावासले जनाएको छ ।कान्तिपुर दैनिकमा यस्तो खवर छ ।
