४ असार, भक्तपुर । भक्तपुरको सल्लाघारीस्थित यती कार्पेट उद्योगमा भीषण आगलागी भएको छ ।
नगरकोट मोडमा रहेको केडिया ग्रुपको यती कार्पेट उद्योगमा गएराती साढे ११ बजे विद्युतको ट्रान्सफर्मर पड्केर आगलागी भएको हो । नेपाल प्रहरी, सशस्त्र प्रहरी र नेपाली सेनाले साढे सात घण्टाको प्रयासपछि आगो नियन्त्रणमा लिएका छन् । आगो निभाउन ८ वटा दमकल प्रयोग गरिएका थिए । आगलागीबाट करोडौंको भौतिक क्षति भएको छ ।
उद्योगमा रहेका कार्पेट र कार्पेट बनाउन प्रयोग गरिने कच्चा पदार्थ जलेका छन् भने मेसिनमा पनि क्षति पुगेको छ । आगलागीमा मानवीय क्षति भने हुन पाएन ।
