सुर्खेत,२२ फागुन । केन्द्रको सत्ता समिकरण फेरिएसँगै प्रदेशमा पनि त्यसको असर परेको छ । आज कर्णाली प्रदेश सरकारबाट नेपाली कांग्रेस बाहिरिएको हो ।
८ सदस्यीय मन्त्रिपरिषद्मा कांग्रेसबाट मन्त्री बनेका तीन जना मन्त्रीले राजीनामा दिंदै सरकारबाट बाहिरिएको जानकारी गराएका हुन् ।
सामाजिक विकासमन्त्री खड्गबहादुर पोख्रेल,अर्थमन्त्री बेदराज सिंह र उद्योग, पर्यटन, वन तथा वातावरणमन्त्री कृष्णकुमार बिसीले राजीनामा दिए ।
उनीहरू गत वैशाखमा मात्रै मन्त्रीको शपथ लिएका थिए ।
