एजेन्सी,२८ माघ । सन् २०२१ पछि फेरि एकपटक अमेजनका सह–संस्थापक जेफ बेजोसले कम्पनीको शेयर बेचेका छन् । बेजोसले गत हप्ता यो बिक्री गरेका हुन् । स्टक एक्सचेन्जलाई दिएको जानकारी अनुसार जेफ बेजोसले २ अर्ब डलरको शेयर बेचेका छन् ।
वास्तवमा, फेब्रुअरीको सुरुमा, कम्पनीले बेजोसले आगामी १२ महिनामा कम्पनीको ५ करोड शेयर बेच्ने जानकारी दिएको थियो। यसै सिलसिलामा कम्पनीको १२ करोड शेयर बिक्री भएको जानकारी आएको छ । ब्लूमबर्ग बिलियनेयर्स इन्डेक्सका अनुसार गत व्यापारिक साताको अन्तिम दिन शुक्रबारसम्म बेजोसको कुल सम्पत्ति २२.६ बिलियन डलरले बढेको छ । योसँगै बेजोसको कुल सम्पत्ति १९९.५० बिलियन डलर पुगेको छ ।
यसअघि बेजोसले सन् २०२० र २०२१ मा २० अर्ब डलरको शेयर बेचेका थिए। वास्तवमा,अमेजनको त्रैमासिक नतिजा फेब्रुअरी १ मा नै घोषणा गरिएको थियो। कम्पनीद्वारा दिइएको जानकारी अनुसार, कुल बिक्री १७० अर्ब थियो। कम्पनीको खुद नाफा १०.६ बिलियन डलर थियो।
बेजोस हालै ६० वर्षका भएका छन् । उनीसँग अमेजन स्टकको करिब १ अर्ब सेयर छ ।
