काठमाडौं,१६ माघ । आजदेखि सरकारी कार्यालयहरु अपरान्ह ५ बजेसम्म खुल्ला हुने भएका छन् । आजदेखि बिहान १० बजे खुल्ने र अपरान्ह ५ बजे बन्द हुनेछन् ।
गत पुस १६ गतेदेखि माघ १५ सम्म सरकारी कार्यालयको बन्द हुने समय १० देखि ४ बजेसम्म हुने नियम छ । जाडो समयमा छोटो हुने भएकाले ३ महिना कार्यालय समय ६ घण्टाका लागि मात्रै तोक्ने गरेको छ ।
अन्य समयमा सरकारी कार्यालयको समय ७ घण्टा तोकिएको छ । नेपाल सरकारल राजपत्रमा सूचना प्रकाशित गरेर कार्यालय समय तोक्ने परम्परा छ ।
